QR Prezıdentiniń qatysýymen ótken Jańa jyldyq keshte jınalǵan 8 mln. teńgeden astam qarajat múgedek balalarǵa tapsyryldy
sp;ASTANA. Jeltoqsannyń 28-i. QazAqparat /Gúlmıra Álıakparova/ - Jeltoqsannyń 25-i kúni Qazaqstan Respýblıkasy Prezıdentiniń qatysýymen Táýelsizdik saraıynda ótken Jańa jyldyq keshte 8 mıllıon teńgeden astam qarajat jınaldy.
Bul qarjy múgedek jáne qymbat baǵaly em-domdy qajet etetin naýqasy bar balalardy emdeýge berildi, dep habarlaıdy QazAqparat.
Búgin Astana qalasynyń ákimi Imanǵalı Tasmaǵambetovtyń qatysýymen atalmysh qaıyrymdylyq aktsııadan jınalǵan qarajatty Astana qalasy múgedek balalar qaýymdastyǵynyń qamqorlyǵyna alynǵan balalarǵa tapsyrý saltanaty ótti.
I.Tasmaǵambetov, qaıyrymdylyq máselesi - ultymyzdyń mádenıetine tán dúnıe ekendigin atap óte kele, qala ákimdiginiń uıymdastyrýymen ótkiziletin Jańa jyldyq keshterde qaıyrymdylyq sharalaryn ótkizý dástúrge aınalǵandyǵyn jetkizdi.
Qala basshysynyń qolynan qomaqty somalarǵa sertıfıkattardy tómendegi balalar aldy: Aıdos Sanabekov (dıagnozy - julyn grıjasy) - 2 mln. 120 myń teńge, Aıdaráli Shomanov (gıdrotsefalııa) - 200 myń teńge, Dmıtrıı Osıpov (kádimgi aýtızm) - 4,5 mln.teńge, Nurlan Sarbasov (gırotsefalııa) - 250 myń teńge, Álınur Saǵynbekov (mıkrotsefalııa, damý aqaýlary) - 1 mln. 50 myń teńge.
