QR Prezıdentiniń qatysýymen ótken jalpyulttyq telekópirde «Shalqııa» ken orny iske qosyldy
Bul týraly QazAqparat tilshisi oblystyq ákimdikke silteme jasap habarlady.
«Shalqııa Tsınk LTD» AQ Basqarma tóraǵasy Bolat Ramazanov ken orny dúnıe júzinde myrysh qory boıynsha eń iri bestiktiń qataryna kiretinin jetkizdi. Kásiporynda rýdany tikkonveıerli ádispen óndirýdiń ınnovatsııalyq tehnologııasy qoldanylady. Ken ornyn ıgerý jobasy tolyq qýatta iske qosylǵan kezde 1500 adam turaqty jumyspen qamtylady. «Shalqııa» ken ornyn ıgerý Qazaqstan úshin myryshty óndirýshi eń iri elderdiń qataryna , sondaı-aq, qorǵasyn shyǵarýǵa múmkindik beredi. Álem boıynsha metaldyń bul túrlerine suranys óte joǵary.
«Shalqııa» polımetall ken ornyn «jerasty ádisi» arqyly ónerkásiptik ıgerý» jobasy eki kezeń boıynsha júzege asady. 2018 jyly jyldyq qýaty 2 mln. tonnaǵa deıin jetetin kenish salynady, al 2020 jyly taý-ken ónerkásibiniń óndiris kólemi 4 mln. tonnaǵa deıin ulǵaıady. Óndirilgen ónim TMD elderine jáne alys shet memleketterge jiberiledi. Búginde jobanyń tehnıkalyq-ekonomıkalyq negizdemesi ázirlendi. Eýropa qaıta qurý jáne damý banki arqyly qarjylandyrý tetikteri pysyqtalýda, sonymen birge taý-ken baıytý kombınatynyń qurylysyn salýshy merdigerdi anyqtaý maqsatynda konkýrstyq rásimder júrgizilýde.