QR Prezıdentiniń Іs basqarmasy aýrýhanasynda tize protezin ornatýdyń biregeı tehnologııasy engizildi
Medıtsınalyq ortalyqtyń deregi boıynsha, bıylǵy jarty jylda aýrýhanaǵa dıagnostıka men emdeýge baǵyttalǵan 8 jańa tehnologııa engizilgen.
«Joǵary tehnologııalyq medıtsınalyq kómekti keńeıtý maqsatynda aıaq býynynyń 155 gradýsqa deıin tolyq búgilýine múmkindik beretin biregeı tize protezin qoldanatyn jańa tehnologııa engizildi. Tize býynynyń protezin ornatý operatsııasy úndistandyq hırýrgtarmen birlesip aýrýhana bazasynda tuńǵysh ret jasaldy. Dıagnostıkalyq qyzmet túrlerin kóbeıtý úshin derbes genomdyq jáne ımmýndyq-gıstohımııalyq dıagnostıka salasynda 2 tehnologııa, ońaltý qyzmetterin jetildirý úshin 2 tehnologııa engizildi. Bular – koronavırýstan keıin naýqasty ońaltýǵa negizdelgen tehnologııalar. Sonymen qatar, julyn qan aınalymyn rettep, nevrologııalyq aýrýlardy emdeýge arnalǵan otalardy jasaýda alǵash ret zamanaýı Kinevo 900 mıkroskoby qoldanyldy», - dep málim etti Prezıdentiniń Іs basqarmasy medıtsınalyq ortalyǵynyń baspasóz qyzmetinen.
Budan bólek, naýqas úshin proktologııa jáne ýrologııa salasynadaǵy otalardy jeńil ótkizý maqsatynda mını-ınvazıvti tehnologııa qoldanyla bastaǵan. Bul operatsııalardan keıin em alýshy tez qalpyna keledi. Búginde atalǵan tehnologııalardyń kómegimen 49 naýqas emdelip, 574 kelýshige dıagnostıka jasalǵan.