QR Prezıdentiniń «Bolashaq» halyqaralyq stıpendııasy ıegerleriniń tizimi jarııalandy
ASTANA. Naýryzdyń 13-i. QazAqparat - 590 úmitker QR Prezıdentiniń «Bolashaq» halyqaralyq stıpendııasyna ıe boldy. Shet elderde kadrlardy daıarlaý boıynsha respýblıkalyq komıssııanyń 2010 jylǵy qańtardyń 19-yndaǵy otyrysynyń nátıjesi boıynsha stıpendıat atanǵandardyń tizimi keshe "Egemen Qazaqstan" gazetinde, al búgin, naýryzdyń 13-i kúni «Kazahstanskaıa pravda» gazetinde jarııalandy.
«Bolashaq» halyqaralyq stıpendııasy Qazaqstan Respýblıkasynyń Prezıdenti Nursultan Nazarbaevtyń qaýlysymen 1993 jylǵy qarashanyń 15-inde quryldy. Bul bastamanyń negizinde - alǵan tájirıbelerin keıin memlekettiń ıgiligine jaratý úshin talanatty jastarǵa shet elderde sapaly bilim alýǵa járdemdesý ıdeıasy jatty. 1994 jyly bir top qazaqstandyq stýdent alǵash ret sheteldiń eń úzdik joǵary oqý oryndaryna attandy.
