QR Prezıdentiniń baspasóz hatshysy Berik Ýálı: Búgingi Tamyz konferentsııasynan ne túıdik

Tór  qaıda, kreslo  qaıda?

Myna birinshi sýretten, sahnadan ne baıqadyńyzdar? Kópshilik osyǵan mán bermedi aý deımin. Baıqasańyzdar bıik minber joq. Prezıdent, PÁ basshysy, Úkimet basshysynyń orynbasary, mınıstr jáne basqa da bilim salasynyń qyzmetkerleri bir deńgeıde otyr. ıAǵnı, bári muǵalimderdiń aldynda, bir-bir «partada» otyr. Tórge shyǵyp, ózgeniń tóbesinen tónip otyrǵan kreslo joq. Bul Qasym-Jomart Kemelulynyń ustazdarǵa degen qurmeti dep oılaımyn. «Ulyq bolsań, kishik bol!» degen osyndaı bolar.

Orynsyz  qoshemet  joq

Ekinshi vıdeoda Prezıdent sóz sóılep tur. Bilim salasyndaǵy ózekti máselelerdi kóterdi, ustazdar qaýymyna jasalatyn jaqsylyqtar, oqýshylarǵa, jastarǵa qoıylatyn talaptar, ǵylymnyń kúıi jáne t.b.. Eshqandaı dý-dý etken qol shapalaq joq. Nege? Óıtkeni, ony Memleket basshysy qajet etpeıdi. Tipti, bir-eki jerden shapalaq urylyp edi, Prezıdent sózin úzgen joq. Odan arysyn zaldaǵylar da túsindi.

Maqtaýsyz  baıandamalar

Sóz sóılegender naqty ózi istep júrgen jumystaryn, bilim men ǵylymdy damytýdyń qadamdaryn, óz pikirleri men usynystaryn aıtty. Memleket basshysyn jatta kep maqtaý, madaqtaý joq. Shyny kerek, Qasym-Jomart Kemeluly ózine madaqtaý aıtyla bastasa qatty qysylyp, ózin yńǵaısyz sezinetin adam. Sol sebepti de, kópirtip madaqtap, kólgirsip sóılegendi unata bermeıdi. Jalpy, aldaǵy ýaqytta da Prezıdenttiń ózin jat ta kep maqtap, madaqtaýdan góri, aıtqan sózderine, onyń mańyzy men mazmunyna, kóterip otyrǵan máseleniń ózektiligine kóńil bólingeni jón bolar edi.

Jalań  urandar  men  banerler

Esterińizde bolsa, Prezıdent kóktemdegi suhbattarynyń birinde eshqandaı da banerler men sýretterin eshqaıda ildirmeıtinin aıtqan bolatyn. Tipti, Mańǵystaýǵa sapary barysynda óziniń sýretteri bar banerler ilingenin kórip, birden aldyryp tastaǵan bolatyn. Sol úshin aımaq basshysy sóz estip te qalǵan edi. Mine, 5 kúnnen keıin Qasym-Jomart Kemelulynyń Memleket basshysynyń qyzmetine kiriskenine 5 aı bolady. Qaı aımaqta, nemese qaı keńsede Q.Toqaevtyń sýreti ilinip, baneri qystyryldy? Joq. Búgin de solaı boldy. Eshqandaı jalyndy urandar men jalpaq banerler joq. Bári qarapaıym.

Anyq  aıtty,  naqty  tapsyrmalar  berdi

Prezıdent bilim salasyndaǵy barlyq túıtkildi máselelerden habardar ekenin baıqatty. Úsh tildi bilim berýge qoǵamnyń daıyn emes, ata-analar narazy ekenin, úsh aýysymdy mektepterdiń máselesi sheshilmegenin, 12 jyldyq bilimge birden aýysyp kete almaıtynymyzdy, ǵylymnyń syn kótermeıtinin, ásirese, muǵalimderdiń múshkil jaǵdaıy men jergilikti bıliktiń ustazdardy áli de orynsyz «jumsap» otyrǵanyn bárin biledi. Osylardy joıý úshin Úkimetke 8 naqty tapsyrma berdi. ıAǵnı, Memleket basshysy «jaýyrdy jaba toqyp» otyrǵan joq. Problemany ashyp kórsetti, sheshý joldaryna baǵyttady. Endigi úmit Úkimette.

«Kishipeıildilik – kisiliktiń  belgisi»

Aımaqtan kelgen qarapaıym muǵalimder Prezıdenttiń qasyna kelip, ruqsat surap sýretke túsip jatty. Eshkimge joq degen joq. Tipti, qal-jaǵdaılaryn surap, meıilinshe óziniń qarapaıymdylyǵyn kórsetti. Odan keıin, bilim salasyna eńbegi sińgen ustazdardy marapattady. Jalpy Qasym-Jomart Kemeluly rasynda jomart. Men buny jaǵympazdanyp jazyp otyrǵanym joq. Ol kisiniń tabıǵaty sondaı. Oǵan kózim jetti. Esterińizde bolsa, kóktemde osy laýazymǵa kirise salysymen búkil aımaqtardy aralap shyqty. Sonda qaı oblysqa barsa da, sol elge eńbegi sińgen qarapaıym eńbekkerlerdi marapattap, qoldaryn alyp, alǵysyn bildirip jatty. Bul jol 5 ustazǵa óz qolymen bergenimen, búgin jalpy bilim salasynyń 14 qyzmetkeri Prezıdenttiń qoly qoıylǵan marapattarǵa ıe boldy.

Aıtaıyn degenim, «ózgeristi ózińnen basta» degen qaǵıda bar ǵoı. Memleket basshysy eldi ózgertýge qaraı birneshe qadam jasady, endi qoǵam da meıilinshe ózgerýge, qarapaıymdylyqqa, eńbekqorlyqqa qaraı umtylsa eken degen tilek!