QR Prezıdentiniń «Alyp aýqymdy álem jáne ıadrolyq qaýipsizdik» maqalasynda kóterilgen bastamalar ıadrolyq qarýdy taratpaý problemasyna jańa kózqaraspen nazar aýdarýǵa múmkindik beredi - A.Soloveva
ASTANA. Sáýirdiń 3-i. QazAqparat /Serik Sábekov/ - QR Prezıdentiniń «Alyp aýqymdy álem jáne ıadrolyq qaýipsizdik» maqalasynda kóterilgen bastamalar ıadrolyq qarýdy taratpaý problemasyna jańa kózqaraspen nazar aýdarýǵa múmkindik beredi. Bul týraly «QazAqparat» tilshisine bergen suhbatynda QR Parlamenti Májilisiniń depýtaty Aıgúl Soloveva aıtty.
«Men bul usynystar der kezinde kóterilip otyr dep sanaımyn. Memleket basshysy aıtyp otyrǵan bastamalar búgingi kúni óte ózekti jáne árkimdi de jahandyq qaýipsizdik máselesine jańasha qaraýǵa ıtermeleıdi», dedi halyq qalaýlysy.
A.Solovevanyń aıtýynsha, Elbasy jańa ámbebap shart jasasý qajettigi jóninde baısaly tujyrym jasap otyr, óıtkeni ıadrolyq qarýdy taratpaý jónindegi shart búgingi kún talaptaryna jaýap bere almaıdy.
«Bizdiń memleketimiz basshysynyń buǵan tolyq moraldyq jáne azamattyq quqyǵy bar, óıtkeni onyń sheshimi arqasynda álemdegi eń úlken atom polıgony jabyldy», dep atap ótti depýtat.
Budan basqa A.Soloveva N.Nazarbaev naq osy Qazaqstanda ıadrolyq qaýipsizdik boıynsha halyqaralyq oqý ortalyǵyn ashýdy kezdeısoq usynyp otyrmaǵanyn atap ótti. Óıtkeni, onyń aıtýynsha, bizdiń respýblıkamyzda bul máselede úlken tájirıbe bar jáne Qazaqstan demokratııalyq ustanymdardy jaqtaıtyn beıbitshilik súıgish memleket retinde árqashan da beıbit bastamalardy qoldaýǵa úndep keledi.
