QR Prezıdentiniń Aqmola oblysyna saparynan beıne sholý jarııalandy
NUR-SULTAN. QazAqparat – QR Prezıdenti Qasym-Jomart Toqaevtyń Aqmola oblysyna jasaǵan jumys saparynan beıne sholý jarııalandy, dep habarlaıdy QazAqparat.
«Elimizdiń iri astyqty óńirleriniń biri Aqmola oblysyndaǵy kóktemgi egis jumystaryn aralap kórdim. Elordamyzdy azyq-túlikpen qamtamasyz etýde mańyzdy ról atqaratyn aımaqtyń agrarlyq áleýetin nyǵaıtý múmkindikterimen tanystym. Sonymen qatar, Aqmola oblysy Tselınograd aýdanyndaǵy qýattylyǵy 100 MVt bolatyn jańa kún elektr stantsııasyna bardym. Jańartylatyn qýat kózderin paıdalaný – otandyq «jasyl ekonomıkany» damytýdyń negizgi faktorlarynyń biri», dep jazdy Memleket basshysy.
