QR Prezıdentimen «tikeleı jelide» jobalaýshylar men zertteýshiler tamasha ıdeıalar aıtty

Sýretshi-zertteýshi Dana Muqanova-Hýrshýdıan QR Prezıdenti Nursultan Nazarbaevtan «Uly kósh. Saqtar patshalyǵynan Eýropaǵa myńjyldyqtar súrleýimen» degen mega-jobany qoldaýdy suraıdy. Jobany iske asyrýdyń ón boıynda eýropalyqtardy skıfterdiń-saqtardyń bılik qurǵan kezeńindegi eýrazııalyq dalanyń ejelgi tarıhynan bastap jáne orta ǵasyrlardaǵy qazaq rýlarynyń baǵa jetpes mádenı muralarymen, qazaq halqynyń mádenı jáne qazirgi dástúrlerimen tanystyrýdy qamtıdy.

 «Kóshpendi óner murajaıy jobasy kıiz úılerde qurylady jáne búkil Eýropa boıynsha qaladan qalaǵa kóship júretin bolady. D.Muqanova-Hýrshýdıannyń pikirinshe, osynyń arqasynda birigýdiń tarıhı qaǵıdasy jandana túspekshi. Osyǵan baılanysty, qazaq halqynyń dástúrimen óz betinshe tanysýǵa múmkindik alatyn adamdardyń sany arta túsedi.

 Almatyda turatyn qurylysshy-ınjener Bolat Abaqov Qazaqstanda 2011 jyly qysqy Azııa oıyndarynyń ótkizilýin eskere otyryp, onyń olımpıada nysandary men iri týrıstik ortalyqtary jobalaryna kóńil bólýdi ótinedi. Nysan Jer shary túrinde qurastyrylǵan, onyń ishinde velotrek, bıiktikten sýǵa sekirýge arnalǵan qurylǵy, kórme zaly, saýda-oıyn-saýyq ortalyǵy, basqa da sporttyq jáne kóńil kóterý qurylystary kózdelgen.

Memleket basshysynyń atyna túsetin suraqtardyń sany ár sekýnd saıyn ulǵaıýda - qazirgi sátte olar 5,2 myńnan asady. Halyqty áleýmettik qorǵaý salasy eń kókeıkesti bolyp qalyp otyr. Osy aıdarda myńnan astam suraqtar tirkeldi. Odan keıingi orynda turǵyn úı qurylysy jáne turǵyn úı -kommýnaldyq sharýashylyǵy - osy salalar boıynsha myńǵa jýyq qazaqstandyqtar suraqtar qoıǵan, sondaı-aq zańdardyń jáne quqyqtyq tártiptiń saqtalýy da nazardan tys qalmaǵan.

Belsendi aımaqtar úshtiginde Astana, Almaty jáne Almaty oblysy bar. Call-ortalyǵynyń operatorlary barynsha kóp suraqtar qabyldaǵan - olar 3,2 myńnan asady. SMS-suraqtardyń sany 150-den asty. Resmı saıt arqyly 1,6 myńnan astam suraqtar jiberilgen.

Halyqtyq daýys berý arqyly eń tanymal delingen suraqtarǵa QR Prezıdenti N.Nazarbaev 2009 jylǵy qarashanyń 13-inde «Qazaqstan», «Habar», «Astana» telearnalarynda, «Habar», «Shalqar», «Qazaq radıosy», «Astana qalasynyń radıosy» radıoarnalarynda tikeleı efırde jaýap beretinin esterińizge salamyz.

Bul ýaqytqa deıin árkim óz suraqtaryn respýblıka boıynsha biryńǵaı +7 (7172) 555-777 telefon nómiri arqyly qoıa alady, KSell, Beeline, Neo, Altel uıaly baılanysty paıdalanýshylar úshin 1111 nómirine SMS-habarlama arqyly jiberýge, www.line.gov.kz saıtynyń tıisti bólimin paıdalana otyryp Internet boıynsha árkim óz beınesuraqtaryn qoıýyna bolady. Sonymen qatar, vopros@akorda.kz elektrondy meken-jaıǵa árkim óz suraqtaryn qoıa alady.

Barlyq baılanys arnalary múldem tegin usynylady jáne elimizdiń kez kelgen núktesinen táýlik boıǵy formatta qol jetimdi bolady. Suraqtardy qabyldaý úshin arnaıy call-ortalyǵy qurylǵan, onyń qyzmetkerleri suraqtardy qarashanyń 13-in qosa alǵandaǵy kúnge deıin qabyldaıdy.