QR Prezıdentimen «tikeleı jelide» qoıylatyn suraqtardyń sany boıynsha Almaty ekinshi orynda

Jergilikti ýaqyt boıynsha 16.00-de Almatydan 3 037 suraq kelip tústi. Elimizdegi eń iri qalanyń turǵyndaryn densaýlyq saqtaý, turǵyn úı qurylysy jáne turǵyn-úı kommýnaldyq sharýashylyǵy, halyqty áleýmettik qorǵaý, quqyqtyq tártiptiń zańdylyǵy jáne problemalary tolǵandyrady.

Suraqtardyń basym bóligi balalarǵa arnalǵan memlekettik járdemaqylarǵa baılanysty jalǵyzbasty analardan, sondaı-aq turǵyn úı problemalary tolǵandyratyn Uly Otan soǵysynyń ardagerlerinen, jas otbasylardan jáne áskerı qyzmetshilerden túskenin taldaý qorytyndylary kórsetti.

Sonymen qatar, almatylyqtardy jeke máseleler tolǵandyrady, olardyń kóbisi sybaılas jemqorlyqqa qarsy kúres, jastarǵa patrıottyq tárbıe berý problemalary, Qazaqstannyń EQYU-ǵa 2010 jyly tóraǵalyq etý máseleleri qozǵalǵan. Sondaı-aq kóptegen qalalyqtar Elbasyǵa daǵdarysqa qarsy qoldanylyp otyrǵan is-sharalar, el ishindegi tynyshtyq pen turaqtylyq, ultaralyq kelisimdi nyǵaıtqany úshin alǵystaryn bildiredi.