QR Prezıdentigine kandıdat J. Ahmetbekov Qyzylorda qalasynda boldy

Ol qalanyń ortalyq alańynda halyqpen kezdesip, Syr eliniń jurtshylyǵy Naýryz meıramymen quttyqtady."Elimizge tynyshtyq pen yntymaqtastyq, jerimizge keńdik, táýelsizdik tuǵyrynan aıanbaıtyn, aýyz birshilik tileımin.Naýryz qutty bolsyn, aq mol bolsyn, aǵaıyndar!", - dedi óz sózinde J. Ahmetbekov.

Sonymen qatar Prezıdenttikke kandıdat qalanyń mekemeleri turǵyzǵan kıiz úılerge bas suǵyp, dastarhannan dám tatty, saılaýshylar tarapynan qoıylǵan saýaldarǵa jaýap berdi.

Prezıdenttikke kandıdat J. Ahmetbekovtyń Qyzylordadaǵy úgit-nasıhat sharasy kezinde Qazaqstan Kommýnıstik halyqtyq partııasy Qyzylorda oblystyq komıtetiniń qoldaýymen oblystyq aqyndar aıtysy uıymdastrylyp, ony jurtshylyq tamashalady. Ádilqazylar alqasynynń sheshimimen bas aqshalaı júldeni Muhtar Nııazov jeńip aldy. Ekinshi oryndy Nurmat Mansurov ıelense, úshinshi oryn aıtysqa qatysqan qalǵan tórt aqynǵa birdeı bólinip berildi, olarǵa yntalandyrý syılyqtary usynyldy.