QR Prezıdenti júldesi ótetin bul Álem kýbogynda biz aldymyzǵa zor maqsattar qoıyp otyrmyz -Dzıýdodan ulttyq quramanyń bas bapkeri
Y. Qyrkúıektiń 24-i. QazAqparat /Erlik Erjanuly/ - Qyrkúıektiń 25-26 kúnderi Almatydaǵy Balýan Sholaq atyndaǵy sport saraıynda QR Prezıdenti júldesi úshin ótetin Álem kýbogynda Qazaqstan quramasynyń basty qarsylasy Ózbekstan, Koreıa, Mońǵolııa, Tájikstan jáne Reseı balýandary bolmaq. Ony ulttyq quramanyń bas bapkeri Erbol Qyrǵyzbaev búgin baspasóz máslıhatynda aıtty, dep habarlaıdy QazAqparat.
«Bul dúbirli dodada el namysyn 27 balýan qorǵaıdy. Ulttyq quramaǵa 90 kıláda - 3, al ózge salmaq dárejelerinde - 4 sportshydan enip otyr. Bul jarysta bizdiń basty qarsylasymyz - Ózbekstan bolýy múmkin. Qurama óte kúshti. Árbir salmaqtaǵy balýandary burynnan kúresip júrgen tájirıbesi mol sportshylar», deıdi Qazaqstan ulttyq quraasynyń bas bapkeri Erbol Qyrǵyzbaev. Onyń aıtýynsha, quramynda 5 Olımpıda oıyndary men Álem chempıonatynyń júldegeri jáne Azııa chempıondary bar Koreıany da erenkshe atap ótýge bolady. Sol sııaqty Mońǵolııa, Tájikstan jáne ár salmaqta 2-3 adamnan alyp kelgen Reseı quramasyn da basty qarsylastar qatarynan shyǵarýǵa bolmaıdy. Sondyqtan QR Prezıdenti N. Nazarbaevtyń júldesi úshin ótetin Álem kýbogy asa joǵary deńgeıde ótedi deýge senim óte mol. Bul 2012 jyly Londonda ótetin jazǵy Olımpıada oıyndarynyń lıtsenzııalyq týrnırlerine kiretin Qazaqstandaǵy jalǵyz jarys bolyp otyr.
