QR Prezıdenti Joldaýda halyqtyń pikiri mańyzdy ekenin aıtty - halyqaralyq sarapshy
«Prezıdent Q.K. Toqaev óziniń prezıdenttiginiń basynan bastap qazaqstandyq saıası júıeniń barlyq salasyn qamtıtyn baıypty saıası reformalarǵa kóshýdi bastady. Onyń saıası júıeniń tıimdiligi týraly únemi ashyq aıtatynyn atap ótken jón. Al bul jolǵy Joldaýynda ol burynǵydan da ashyq boldy. Ol úshin halyqtyń pikiri mańyzdy ekenin ashyq aıtty. Joldaý qoǵamnyń barlyq suranystaryna jaýap beredi deýge bolady», - dedi Qaýipsizdik saıasaty jáne damý ınstıtýtynyń dırektory, Ortalyq Azııa jáne Kavkaz ınstıtýtynyń dırektory Svante Kornell (Shvetsııa) QR Prezıdenti janyndaǵy Qazaqstan strategııalyq zertteýler ınstıtýty uıymdastyrǵan dóńgelek ústel otyrysynda.
Budan bólek, Germanııanyń «Jasyldar» partııasynyń negizin qalaýshy, Eýroparlamenttiń burynǵy depýtaty, saıası qaıratker Frank Shvalba-Hot (EO) «Ulttyq quryltaı» qoǵamdyq senim keńesiniń alǵa qoıǵan maqsatyna jetip, kóptegen elderge úlgi bolýyn tiledi. Sonymen qatar ol Quryltaı tek saıası keńes emes, sondaı-aq qarapaıym adamdardyń, qarapaıym halyqtyń múddesin qorǵaıtyn uıym bolýyna tilektestik bildirdi.
Al Reseı ǵylym akademııasy Shyǵystaný ınstıtýtynyń Ortalyq Azııa sektorynyń meńgerýshisi Igor Savın (Reseı) jergilikti ózin-ózi basqarýǵa kóshý etnıkalyq azshylyq máselelerin tıimdirek sheshýge múmkindik beretinin aıtty. Onyń pikirinshe, Qazaqstan árqashan etnostardy saıasılandyrmaý baǵytyn ustanyp, etnosty qoǵamnyń áleýmettik kún tártibiniń ólshemderiniń biri retinde qarastyrýdy jón kórdi. «Qazaqstannyń aýqymdy saıası reformalar baǵdarlamasyn júzege asyrýǵa daıyndyǵy basqa memleketter úshin eldiń óz ishki máselelerine basa nazar aýdarýǵa nıetti ekendigin baıqatady. Reformalardyń birqalypty, kezeń-kezeńmen júrgizilýi el basshylyǵynyń nıetiniń baıyptylyǵyn kórsetedi. Joldaý iskerlik sıpatta boldy jáne bul reformalardan nátıje shyǵatynyna senimdilik beredi», – dep atap ótti sarapshy.
