QR Prezıdenti Jarlyǵymen «1941-1945 jyldardaǵy Uly Otan soǵysyndaǵy Jeńiske 70 jyl» biryńǵaı merekelik medalimen nagradtaý qaǵıdalary bekitildi
Qazaqstan Respýblıkasy Prezıdentiniń 2015 jylǵy 19 qańtardaǵy № 992 Jarlyǵymen BEKІTІLGEN «1941 - 1945 jyldardaǵy Uly Otan soǵysyndaǵy Jeńiske 70 jyl»biryńǵaı merekelik medalimen nagradtaý QAǴIDALARY 1. «1941 - 1945 jyldardaǵy Uly Otan soǵysyndaǵy Jeńiske 70 jyl»biryńǵaı merekelik medalimen nagradtaý osy qaǵıdalary «1941 - 1945 jyldardaǵy Uly Otan soǵysyndaǵy Jeńiske 70 jyl» biryńǵaı merekelik medalimen (budan ári - biryńǵaı merekelik medal) nagradtaý tártibin retteıdi. 2. Biryńǵaı merekelik medalmen: Uly Otan soǵysy kezeńinde, sondaı-aq burynǵy KSR Odaǵyn qorǵaý jónindegi basqa da urys operatsııalary kezinde maıdandaǵy armııa men flot quramyna kirgen áskerı bólimderde, shtabtar men mekemelerde qyzmet ótkergen áskerı qyzmetshiler, Uly Otan soǵysynyń partızandary men astyrtyn kúres júrgizýshileri; maıdandaǵy armııa men flottyń áskerı qyzmetshileri, Uly Otan soǵysynyń partızandary men astyrtyn kúres júrgizýshileri, sondaı-aq Uly Otan soǵysy kezeńinde maıdanda, soǵys qımyldary júrgizilgen aýdandarda, maıdan mańyndaǵy temir jol ýchaskelerinde, qorǵanys shepterin, áskerı-teńiz bazalary men aerodromdar salý kezinde jaralanýy, kontýzııa alýy, mertigýi nemese aýrýǵa shaldyǵýy saldarynan múgedek bolǵan jáne zeınetaqymen qamsyzdandyrylýy jaǵynan áskerı qyzmetshilerge teńestirilgen tıisti sanattaǵy jumysshylar men qyzmetshiler; burynǵy KSR Odaǵyn qorǵaý kezinde jaralanýy, kontýzııa alýy, mertigýi saldarynan nemese maıdanda bolýyna baılanysty aýrýǵa shaldyǵýy saldarynan múgedek bolǵan áskerı qyzmetshiler; jaralanýy, kontýzııa alýy, mertigýi saldarynan ne maıdanda bolýyna baılanysty aýrýǵa shaldyǵýy saldarynan múgedek bolǵan, burynǵy KSR Odaǵynyń ishki ister jáne memlekettik qaýipsizdik organdarynyń basshy jáne qatardaǵy quramynyń adamdary; 1944 jyldyń 1 qańtarynan bastap 1951 jyldyń 31 jeltoqsany aralyǵy kezeńinde Ýkraına KSR-i, Belarýs KSR-i, Lıtva KSR-i, Latvııa KSR-i, Eston KSR-i aýmaqtarynda is-qımyl jasaǵan joıǵysh batalondardyń, vzvodtar men halyqty qorǵaýshy jasaqtardyń jaýyngerleri men komandalyq quramy qatarynda bolǵan, osy batalondarda, vzvodtarda, jasaqtarda qyzmettik mindetterin atqarý kezinde jaralanýy, kontýzııa alýy nemese mertigýi saldarynan múgedek bolǵan adamdar; qorǵanysyna qatysýy maıdandaǵy armııa bólimderiniń áskerı qyzmetshileri úshin belgilengen jeńildik sharttarymen zeınetaqy taǵaıyndaý úshin eńbek sińirgen jyldaryna 1998 jylǵy 1 qańtarǵa deıin eseptelgen qalalarda Uly Otan soǵysy kezeńinde qyzmet ótkergen áskerı qyzmetshiler, sondaı-aq burynǵy KSR Odaǵy ishki ister jáne memlekettik qaýipsizdik organdarynyń basshy jáne qatardaǵy quramynyń adamdary; Uly Otan soǵysy kezeńinde maıdandaǵy armııa quramyna kirgen áskerı bólimderde, shtabtarda, mekemelerde shtattyq qyzmet atqarǵan Keńes Armııasynyń, Áskerı-Teńiz Flotynyń, burynǵy KSR Odaǵynyń ishki ister jáne memlekettik qaýipsizdik áskerleri men organdarynyń erikti jaldama quramynyń adamdary ne tıisti kezeńderde qorǵanysyna qatysýy maıdandaǵy armııa bólimderiniń áskerı qyzmetshileri úshin belgilengen jeńildik sharttarymen zeınetaqy taǵaıyndaý úshin eńbek sińirgen jyldaryna 1998 jylǵy 1 qańtarǵa deıin eseptelgen qalalarda bolǵan adamdar; Uly Otan soǵysy kezeńinde maıdandaǵy armııa men flottyń quramyna kirgen bólimderdiń, shtabtar men mekemelerdiń quramynda polk balasy (tárbıelenýshisi) men teńizshi bala retinde bolǵandar; ekinshi dúnıejúzilik soǵys jyldarynda shetelderdiń aýmaǵynda partızan otrıadtary, astyrtyn toptar jáne basqa da fashızmge qarsy quralymdar quramynda fashıstik Germanııa men onyń odaqtastaryna qarsy urys qımyldaryna qatysqan adamdar; Qatynas joldary halyq komıssarıaty, Baılanys halyq komıssarıaty arnaıy quralymdarynyń, kásipshilik jáne kólik kemeleriniń júzý quramy men avıatsııanyń ushý-kóterý quramynyń, burynǵy KSR Odaǵy Balyq ónerkásibi halyq komıssarıatynyń, Teńiz jáne ózen flotynyń, Soltústik teńiz joly Bas basqarmasynyń ushý-kóterý quramynyń Uly Otan soǵysy kezeńinde áskerı qyzmetshiler jaǵdaıyna kóshirilgen jáne urys maıdandarynyń tyldaǵy shepteri, flottardyń operatıvtik aımaqtary sheginde maıdandaǵy armııa men flot múddelerine oraı mindetter atqarǵan qyzmetkerleri, sondaı-aq Uly Otan soǵysynyń bas kezinde basqa memleketterdiń porttarynda tutqyndalǵan kólik floty kemeleri ekıpajdarynyń músheleri; Lenıngrad qalasynyń qorshaýdaǵy kezeńinde qalanyń kásiporyndarynda, mekemeleri men uıymdarynda jumys istegen jáne «Lenıngradty qorǵaǵany úshin» medalimen jáne «Qorshaýdaǵy Lenıngrad turǵyny» belgisimen nagradtalǵan azamattar; ekinshi dúnıejúzilik soǵys kezeńinde fashıster men olardyń odaqtastary qurǵan kontslagerlerdiń, gettolardyń jáne basqa da eriksiz ustaý oryndarynyń kámeletke tolmaǵan burynǵy tutqyndary; ýaqytsha dushpan basyp alǵan aýmaqtarda jumys istegen kezeńdi qospaǵanda, 1941 jylǵy 22 maýsymnan bastap 1945 jylǵy 9 mamyr aralyǵy kezeńinde keminde alty aı jumys istegen adamdar; Uly Otan soǵysy jyldarynda tyldaǵy qajyrly eńbegi jáne minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan adamdar nagradtalady. 3. Biryńǵaı merekelik medalmen nagradtalatyn azamattardyń tizimderin jasaý, kelisý jáne bekitý mynadaı tártippen júrgiziledi: tizimderdi oblystardyń, Astana jáne Almaty qalalarynyń jergilikti atqarýshy organdary jasaıdy; tizimderdi jasaý osy Qaǵıdalardyń 2-tarmaǵynda kórsetilgen adamdar qataryndaǵy azamattarǵa osy Qaǵıdalarǵa 1-qosymshaǵa sáıkes nysan boıynsha júrgiziledi; tizimderge olardy jasaý úshin jaýapty laýazymdy adamdar qol qoıady, Qazaqstan Respýblıkasy Densaýlyq saqtaý jáne áleýmettik damý mınıstrligimen kelisiledi jáne olardy oblystardyń, Astana jáne Almaty qalalarynyń ákimderi bekitedi. Tizimderdiń durys jasalýy jáne olarda kórsetilgen málimetterdiń anyqtyǵy úshin jaýapkershilik jergilikti atqarýshy organdardyń basshylaryna júkteledi. 4. Biryńǵaı merekelik medaldy tapsyrý Qazaqstan Respýblıkasynyń Prezıdenti atynan jáne onyń tapsyrmasy boıynsha júrgiziledi. Biryńǵaı merekelik medal nagradtalatyn adamdar tizimge engizilgen jer boıynsha tapsyrylady. Nagradtalǵan adamǵa biryńǵaı merekelik medalmen birge medaldyń kýáligi tapsyrylady. 5. Biryńǵaı merekelik medal keýdeniń sol jaǵyna taǵylady jáne «1941 - 1945 jj. Uly Otan soǵysyndaǵy Jeńiske 65 jyl» merekelik medalinen keıin ornalastyrylady. 6. Biryńǵaı merekelik medaldyń tapsyrylǵany týraly nagradtaý tiziminde tıisti jazba jasalady. Tabys etilmegen biryńǵaı merekelik medaldar men olardyń kýálikteri qaıtarylý sebepteri kórsetile otyryp, Qazaqstan Respýblıkasynyń Prezıdenti Іs Basqarmasynyń Ordender qoımasyna qaıtarylady, bul týraly tizimderde tıisti belgi jasalady. Biryńǵaı merekelik medaldyń tapsyrylǵandyǵy týraly osy Qaǵıdalarǵa 2-qosymshaǵa sáıkes nysan boıynsha málimetterdi jergilikti atqarýshy organdar 2015 jylǵy 1 shildege qaraı Qazaqstan Respýblıkasy Prezıdentiniń Іs Basqarmasyna usynady.
