QR Prezıdenti janyndaǵy Jappaı qyryp-joıý qarýlaryn taratpaý máseleleri jónindegi komıssııanyń kezekti otyrysy ótti

Májilistiń kún tártibine qoıylǵan másele jóninde sóz qozǵaǵan Qanat Saýdabaev: «Bıylǵy jyl ıadrolyq qarýdy taratpaý sharalary úshin erekshe jyl. Óıtkeni Semeı ıadrolyq polıgonynyń jabylǵanyna 20 jyl tolyp otyr. Bul kún Memleket basshysy Nursultan Nazarbaevtyń ıadrolyq qarýdy taratpaý jáne odan keletin qaýiptiń aldyn alý baǵytyndaǵy lıderlerdiń biri ekendigin taǵy bir dáleldeıtin kún. BUU-nyń Bas Assambleıasynyń 2009 jyly 29 tamyzdy, ıaǵnı Semeı ıadrolyq polıgonynyń jabylý kúnin - ıAdrolyq qarýlar synaǵyna qarsy kúres kúni dep jarııalaýy osy sózimizdiń aıqyn dáleli. Bizdiń komıssııamyz Memleket basshysynyń ıadrolyq qarýdy taratpaý jáne osy maqsattaǵy jahandyq úderiske belsendi atsalysý baǵytyndaǵy saıasaty men ıadrolyq qarýdy taratpaý salasyndaǵy halyqaralyq deńgeıdegi bastamalaryn júzege asyrý quraly bolyp tabylady. Búgingi bizdiń otyrysymyzdyń kún tártibine engizilgen máseleler de Elbasynyń ıadrolyq qarýdy taratpaý salasynda saıasatyn júzege asyrý barysynda qalyptasqan jaıttardy talqylaý bolyp tabylady»,-dep atap kórsetti.

Otyrys barysynda atalǵan máseleler tóńireginde ózara pikir almasyldy. Májilis sońynda tıisti memlekettik organdarǵa ıadrolyq qarýdyń taraýynyń aldyn alý, ıadrolyq qarýdy taratpaý rejımin nyǵaıtý jáne Semeı polıgonynyń jabylýyna 20 jyl tolýyna baılanysty uıymdastyrylatyn sharalarǵa tyńǵylyqty daıyndalyp, olardy joǵary deńgeıde ótkizý jóninde tapsyrmalar berildi.