QR Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń májilisi ótti

«Bul salada sońǵy ýaqytta aıtarlyqtaı jumystar isteldi. Degenmen qazirgi tańda sáıkesinshe organdardyń jumysyna Memleket basshysynyń tolyǵymen qanaǵattanyp otyrmaǵandyǵyn aıtqan jón. Buǵan 1 qyrkúıektegi Parlament palatalarynyń birlesken otyrysyndaǵy Prezıdenttiń sózi dálel bola alady. Onda Elbasy jemqorlyqqa qarsy jumystardy odan ári jalǵastyrýdyń mańyzdylyǵyn taǵy da bir márte atap ótken edi», - dedi jıyndy ashqan Q.Saýdabaev.

Alqaly jıyn barysynda sybaılas jemqorlyqpen kúreste Aqmola men Almaty oblystarynyń ákimdikteri qoldanyp júrgen sharalar men kóshi-qon zańnamasy boıynsha memlekettik organdardyń qyzmetine tekserý júrgizýdiń qorytyndysyna qatysty QR bas prokýrorynyń birinshi orynbasary I.Merkeldiń, Іshki ister mınıstri Q.Qasymovtyń jáne joǵaryda atalǵan oblystardyń ákimderi S.Dıachenko men A.Musahanovtyń esepteri tyńdaldy.

Májilis qorytyndysy boıynsha Komıssııa Іshki ister mınıstrligine, Aqmola men Almaty oblystaryyń ákimderine halyqtyń kóshi-qonyn retteý salasynda sybaılas jemqorlyqtyń aldyn alýdy odan ári jetildirý, sondaı-aq 2011-2015 jyldarǵa arnalǵan sybaılas jemqorlyqqa qarsy is-qımyl baǵdarlamasyn júzege asyrý jóninde pármendi sharalar qabyldaý týraly naqty usynystar jasaldy.