QR Prezıdenti janyndaǵy Sheteldik ınvestorlar keńesiniń aralyq otyrysy ótti
ASTANA. QazAqparat - Búgin Astanada Premer-Mınıstr Baqytjan Saǵyntaevtyń qatysýymen QR Prezıdenti janyndaǵy Sheteldik ınvestorlar keńesiniń aralyq otyrysy ótti, dep habarlaıdy primeminister.kz.
Otyrys barysynda ınvestıtsııalyq saıasatty iske asyrý, eńbek zańnamasyn, energetıka men ekologııany damytý máseleleri talqylandy.
Sharada QR Investıtsııalar jáne damý mınıstri J. Qasymbek, Ulttyq ekonomıka mınıstri T. Súleımenov, «Qazaqstandyq sheteldik ınvestorlar keńesi» qaýymdastyǵynyń basqarma tóraǵasy A. Preımanıs, Investıtsııalyq saıasatty iske asyrý jónindegi keńestiń birlesken jumys tobynyń teń tóraǵasy E. Dosymbekov, «Total Qazaqstan barlaý jáne óndirý» kompanııasynyń basqarýshy dırektory P. Brean, «KNAÝF» kompanııasynyń ókili D. Propp jáne t.b. sóz sóıledi.
Eske sala keteıik, QR Prezıdenti janyndaǵy Sheteldik ınvestorlar keńesi 1998 jyly Memleket basshysynyń Jarlyǵymen qurylǵan.
Keńes quramyna 30-dan astam sheteldik kompanııalardyń jáne halyqaralyq uıymdardyń basshylary kiredi.
