QR Prezıdenti janyndaǵy Shetel ınvestorlary keńesi ótýde
ASTANA. QazAqparat - Búgin elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen QR Prezıdenti janyndaǵy Shetel ınvestorlary keńesiniń 29-shy jalpy otyrysy
«Astana - halyqaralyq qarjy ortalyǵy» taqyrybymen bastaldy.
Keńes otyrysyn Memleket basshysy Nursultan Nazarbaev ashty. Jalpy, búgingi alqaly jıynda onǵa jýyq spıkerdiń sóz sóıleýi kútilýde. Olardyń qatarynda Eýropalyq qaıta qurý jáne damý bankiniń prezıdenti Sýma Chakrabartı, QR Investıtsııalar jáne damý mınıstri Áset Isekeshev, «Astana» halyqaralyq qarjy ortalyǵynyń basqarýshysy Qaırat Kelimbetov, «JP Morgan Chase International» Dırektorlar keńesiniń tóraǵasy Djeıkob Frenkel, «ERG Sarl» Dırektorlar keńesiniń tóraǵasy Aleksandr Mashkevıch jáne basqalary bar.
Aıta keteıik, Shetel ınvestorlary keńesi Qazaqstan Prezıdentiniń tóraǵalyǵymen júzege asyrylatyn keńesshi-konsýltatıvti organ bolyp sanalady. Keńes 1998 jyly eldegi ınvestıtsııalyq qyzmet pen ınvestıtsııalyq ahýaldy jaqsartýmen tikeleı baılanysty ózekti máselelerdi tıimdi sheshý úshin memleket pen sheteldik ınvestorlar arasyndaǵy tikeleı únqatysýdy qamtamasyz etý maqsatynda qurylǵan. Eldiń ınvestıtsııalyq saıasaty men ekonomıkalyq damýynyń basty aspektileri boıynsha Qazaqstan Prezıdenti men Úkimetiniń qaraýyna usynymdar men usynystardy ázirleý Keńestiń basty mindeti sanalady.
