QR Prezıdenti janyndaǵy Ortalyq kommýnıkatsııalar qyzmeti memorgandar qyzmetindegi transparenttilikti arttyrý úshin quryldy
ASTANA. 7 qazan. QazAqparat - Qazaqstan Respýblıkasy Prezıdentiniń janyndaǵy «Ortalyq kommýnıkatsııalar qyzmeti» respýblıkalyq memlekettik mekemesi QR memlekettik organdarynyń transparenttiligin arttyrý jáne bıliktiń jumysy jóninde jurtshylyqqa tolyqqandy aqparat berý quryldy.
Ortalyq kommýnıkatsııalar qyzmetiniń basty maqsaty - memlekettik organdardyń aqparattyq kooperatsııasyn arttyrý jolymen buqaralyq aqparat quraldary arqyly jurtshylyqqa memlekettik organdardyń resmı ustanymyn qolma-qol jetkizý. Bul óz kezeginde memlekettik organdar men kommýnıkatsııalardyń damýyna, sondaı-aq memlekettik baǵdarlamalardyń oryndalýyn baqylaýda qoǵam róliniń artýyna septigin tıgizedi.
Esterińizge sala keteıik, Memleket basshysy Nursultan Nazarbaevtyń Ókimimen Erjan Babaqumarov Qazaqstan Respýblıkasy Prezıdentiniń janyndaǵy «Ortalyq kommýnıkatsııalar qyzmeti» respýblıkalyq memlekettik mekemesiniń dırektory qyzmetine taǵaıyndaldy.
