QR Prezıdenti janyndaǵy Modernızatsııa jónindegi ulttyq komıssııa qurylady
ASTANA. QazAqparat - Memleket basshysy Nursultan Nazarbaev taıaý ýaqytta QR Prezıdenti janyndaǵy Modernızatsııa jónindegi ulttyq komıssııa qurylatyndyǵyn jarııa etti.
«Onyń mıssııasy - bes ınstıtýtsıonaldyq reformalardy kezeńmen júzege asyrýdy basqarý, memlekettik organdardyń, bıznes-sektordyń jáne azamattyq qoǵamnyń is-qımylyn úılestirý»,- dedi Elbasy búgingi ulyqtaý rásiminde málim etti.
Osy oraıda Memleket basshysy ulttyq komıssııa janynda bedeldi sheteldik jáne qazaqstandyq sarapshylardyń quramymen halyqaralyq konsýltatıvtik keńes jumys isteıtindigin jetkizdi.
«Bul óz kezeginde eń úzdik halyqaralyq tájirıbeni paıdalanýǵa yqpal etedi», - dep toqtaldy Prezıdent.
Bul komıssııanyń birinshi otyrysynda Elbasy Ult josparyn usynady. Bul - budan ary qaraıǵy memlekettik qurylystyń 100 naqty qadamy. Osy turǵyda bes ınstıtýtsıonaldyq reformalar boıynsha atqarylatyn jumystar túsindiriledi.
