QR Prezıdenti janyndaǵy Memlekettik basqarý akademııasynyń tyńdaýshylaryna dıplomdar tapsyryldy
ASTANA. Maýsymnyń 18-i. QazAqparat /Dáýren Jaılın/ - Búgin QR Prezıdenti janyndaǵy Memlekettik basqarý akademııasynda Memlekettik jáne jergilikti basqarý ınstıtýty men Dıplomatııa ınstıtýtynyń túlekterine dıplomdar tapsyrý saltanaty ótti.
Memlekettik qyzmet isteri jónindegi agenttiktiń tóraǵasy Qaırat Nurpeıisov, bitirýshilerdi quttyqtap, olardan elimizdiń damýyna súbeli úlesterin qosa alatyn naǵyz maman ıeleri shyǵady degen senimin bildirdi.
Óz kezeginde Akademııa rektory Aryn Órsarıev, bıylǵy jylǵy túlekterdiń oqý baǵdarlamasy memlekettik basqarý, memlekettik saıasat, ulttyq jáne álem ekonomıkasy salalaryndaǵy asa mańyzdy jańalyqtarǵa toly bolǵandyǵyn atap ótti. Akademııa magıstranttary da eldiń memlekettik organdarynda tájirıbeden jáne álemniń eń úzdik joǵary oqý oryndarynda halyqaralyq tálimdemeden ótti.
Bıyl Akademııany magıstrlik baǵdarlamalardyń 242 tyńdaýshysy aıaqtap shyqty. Akademııa, memlekettik basqarý salasynda mamandandyrylǵan Orta Azııadaǵy joǵary oqý oryndardyń arasynda resmı túrde birinshi orynǵa ıe boldy.
