QR Prezıdenti janyndaǵy Memlekettik basqarý akademııasy TMD-nyń 50 oqý ornynyń arasynda 12-shi orynda tur
ASTANA. Mamyrdyń 22-si. QazAqparat - Qazaqstan Respýblıkasynyń Prezıdenti janyndaǵy Memlekettik basqarý akademııasy TMD elderiniń osy baǵyttaǵy 50 oqý ornynyń arasynda 12-shi oryn aldy,
dep habarlady akademııanyń syrtqy baılanystar qyzmetinen.
Bul reıtıngte birinshi oryndy Máskeý halyqaralyq qatynastar ınstıtýty (MGIMO) alyp otyr. Reıtıng saýalnamanyń kómegimen anyqtaldy. Oǵan qatysqan 54 sarapshy álemdik reıtıngilik agenttikter paıdalanatyn 46 kórsetkish boıynsha joǵary oqý oryndaryna baǵa berdi.
«Evrazııskıı monıtor» kommertsııalyq emes halyqaralyq agenttigi júrgizgen bul zertteýdi agenttik basshysy Igor Zadorın mamyrdyń 22-sinde Almatyda ótken «Bilim berý mekemeleriniń abyroı-bedel baǵalaý problemalary» taqyrybyndaǵy halyqaralyq konferentsııada tanystyrdy.
