QR Prezıdenti janyndaǵy memlekettik basqarý akademııasy taıaýdaǵy on jylda eýrazııalyq keńistiktegi tańdaýly ǵylymı-bilim uıymdarynyń bestigine kirýge umtylýda - A.Órsarıev
ASTANA. Qańtardyń 29-y. QazAqparat /Damır Baımanov/ - QR Prezıdenti janyndaǵy memlekettik basqarý akademııasy taıaýdaǵy on jylda eýrazııalyq keńistiktegi tańdaýly ǵylymı-bilim uıymdarynyń bestigine kirýge umtylýda.
Bul týraly oqý ornynyń rektory Aryn Órsarıev Qazaqstan Respýblıkasynyń Prezıdenti Nursultan Nazarbaevtyń Qazaqstan halqyna «Jańa onjyldyq - jańa ekonomıkalyq órleý - Qazaqstannyń jańa múmkindikteri» Joldaýyn talqylaýǵa arnalǵan akademııa rektoraty men tyńdaýshylarynyń keńeıtilgen otyrysy barysynda málim etti.
«Men operatsııalyq jospary bir jylǵa arnalǵan besjyldyq strategııany jasaý mindetin alǵa qoıyp otyrmyn. Bul strategııa eýrazııalyq keńistik, TMD, ShYU-daǵy tańdaýly ǵylymı-bilim uıymdarynyń bestigine kirýdi kózdeıdi, bizde buǵan barlyq múmkindikter bar», - dep atap kórsetti rektor.
A.Órsarıev akademııanyń kadrlardy qaıta daıarlaý jáne biliktiligin artyrý kýrstarynda jylyna úsh myń memlekettik qyzmet oqytylatynyn, orta jáne joǵary býyndaǵy 250 memlekettik basqarýshy daıarlanatynyn áńgimeledi. Budan basqa akademııa óz túlekterimen turaqty baılanys jasap turady, olardyń arasynda 20 saıası basshy, 5 elshi bar, túlekterdiń 33 paıyzy Qazaqstannyń aımaqtarynda sýdıa bolyp jumys jasaıdy.
