QR Prezıdenti janyndaǵy Memlekettik basqarý akademııasy oqytý baǵdarlamalaryn qaıta qarap shyqty
ASTANA. QazAqparat - QR Prezıdenti janyndaǵy Memlekettik basqarý akademııasy oqytý baǵdarlamalaryn qaıta qarap, ony tájirıbelik baǵytqa qaraı ekpin qoıyldy. Bul týraly búgin atalǵan akdemııanyń rektory Bolatbek Ábdirásilov ǵylymı-ádistemelik keńes otyrysynda málim etti.
«Oqý ornyndaǵy kontıngent úlken emes, negizinen olar jergilikti jáne óńirlik deńgeıdegi memlekettik qyzmetkerler. Biz akademııaǵa oqytýǵa bas sarapshy jáne odan joǵary qyzmettegilerdi alamyz», - dep toqtaldy rektor.
Onyń sózine qaraǵanda, búginde akademııada magıstrlik jáne doktorlyq baǵdarlamalarda saıası memleketti qyzmetkerler korpýsynyń ókilderi bilim alýda, biraq bular negizinen «B» korpýsynyń ókilderi.
«Biz memlekettik organdardyń qajettiligin zertteý boıynsha eleýli jumystardy jasadyq. Atap aıtqanda, memlekettik qyzmetkerlerdi tikeleı oqytýda negizgi qajettilik máselesine aıtarlyqtaı nazar aýdaryp kelemiz. Akademııa, memlekettik organ jáne memlekettik qyzmetker arasyndaǵy dıalog negizinde bizdiń baǵdarlamalar qaıta qaralyp, olardy tájirıbelik baǵyttalǵan ettik jáne biliktilik qadamdaryna negizdedik», - dep naqtylap ótti B.Ábdirásilov.
