QR Prezıdenti janyndaǵy quqyq qorǵaý organdaryndaǵy kadr saıasaty jónindegi komıssııanyń otyrysy ótti
ASTANA. 3 mamyr. QazAqparat - Búgin Prezıdent Ákimshiliginiń Basshysy Kárim Másimovtiń tóraǵalyǵymen Qazaqstan Respýblıkasy Prezıdentiniń janyndaǵy Quqyq qorǵaý organdaryndaǵy kadr saıasaty máseleleri jónindegi komıssııanyń otyrysy ótti.
Komıssııa Memleket basshysynyń 2013 jylǵy 3 sáýirdegi №537 Jarlyǵyna sáıkes qurylǵan, onyń Erejesi men derbes quramy bekitilgen.
Komıssııany Prezıdent Ákimshiliginiń Basshysy basqarady, Qaýipsizdik Keńesiniń Hatshysy onyń orynbasary, múddeli memlekettik organdardyń basshylary (UQK, BP, EQSJKA, ІІM, MQІA, QM, ÁdM, TJM), Prezıdent Ákimshiliginiń jaýapty laýazymdy tulǵalary, sondaı-aq Bas prokýratýra, Qarjy polıtsııasy agenttigi, Іshki ister mınıstrligi Qoǵamdyq birlestikteriniń tóraǵalary - onyń músheleri bolyp tabylady.
Komıssııanyń negizgi fýnktsııalary - Prezıdenttik rezervti qalyptastyrý jáne quqyq qorǵaý organdaryndaǵy basshylyq laýazymdardy ıelenýge kandıdattardy qarastyrý.
Komıssııanyń otyrysynda eki másele qaraldy: uıymdastyrýshylyq jáne ishki ister men kedendik baqylaý organdaryndaǵy basqarýshy laýazymdarǵa kandıdatýralardy kelisý.
Komıssııa múshelerine jumystyń uıymdastyrylýy, kadrlyq materıaldardy qalyptastyrý tártibi jáne qabyldanatyn sheshimderdiń resimdelýi týraly habarlandy.
