QR Prezıdenti janyndaǵy Adam quqyqtary jónindegi komıssııa elordadaǵy 1-i qalalyq aýrýhanada boldy

Shara barysynda komıssııa tóraǵasy men músheleri aýrýhanadaǵy patsıentterdiń qaralý jaǵdaıymen tanysty. Qazaqstan Konstıtýtsııasynda jáne «Halyq densaýlyǵy men densaýlyq saqtaý júıesi týraly» Kodekste kepildik berilgen quqyqtardyń, sondaı-aq adam quqyqtary jónindegi normalardyń júzege asý barysyn kórip bildi. Bundaı kezdesý barysynda densaýlyqty qorǵaý máseleleri boıynsha jáne bilikti medıtsınalyq kómekterge qatysty konstıtýtsııalyq quqyqtardyń qamtamasyz etilýine nazar aýdarylyp, dárigerler men medıtsınalyq mekeme qyzmetkerleriniń áleýmettik-quqyqtyq qorǵalýyna da mán berildi.

Shara barysynda jınaqtalǵan materıaldar, emdelýshi patsıentter tarapynan berilgen málimetter atalǵan Komıssııanyń QR Prezıdentine tapsyratyn «Qazaqstan Respýblıkasyndaǵy adam quqyqtarynyń qorǵalý jaǵdaıy týraly» jyl saıynǵy baıandamasyna enetin bolady. Esterińizge sala keteıik, Elbasyna joldanatyn jyl saıynǵy atalǵan baıandamanyń bir bólimi «Azamattardyń densaýlyq saqtaýǵa jáne bilikti medıtsınalyq kómek alýǵa qatysty konstıtýtsııalyq quqyqtary» dep atalady.