QR Prezıdenti janyndaǵy Adam quqyqtary jónindegi komıssııa basshysy balalar úıinde boldy

ASTANA. QazAqparat - Búgin Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń músheleri atalmysh mekeme tóraǵasy Qýanysh Sultanovtyń basshylyǵymen «Astana qalasy ákimdiginiń Mamandandyrylǵan balalar úıi» memlekettik kommýnaldyq mekemesine baryp qaıtty.

Bul týraly osy mekemeniń baspasóz qyzmeti habarlady.

Týǵan kezinen bastap 4 jasqa deıingi balalar tolyq memleket tarapynan qamtamasyz etiletin Balalar úıine barýdyń maqsaty - balalardyń jaǵdaıymen, olardyń Qazaqstan Respýblıkasynyń Konstıtýtsııasymen jáne qoldanystaǵy zańnamalyq aktilerimen, Qazaqstannyń bala quqyqtaryn qorǵaý salasyndaǵy halyqaralyq mindettemelerimen, atap aıtqanda, Birikken Ulttar Uıymynyń Bala quqyqtary týraly konventsııasymen kepildik berilgen quqyqtarynyń saqtalýymen tanysý boldy.

Balalar úıiniń tárbıeshilerimen, pedagogtarymen, psıholog mamandarymen jáne medıtsına qyzmetkerlerimen, basqa da qyzmetkerlerimen áńgimelesý barysynda Elbasy janyndaǵy Adam quqyqtary jónindegi komıssııanyń músheleri balalardyń úılesimdi damý, balalardyń densaýlyǵyn saqtaý jáne bilikti medıtsınalyq kómek alý konstıtýtsııalyq quqyqtarynyń qamtamasyz etilýi, Qazaqstan men basqa shetel memleketteri azamattarynyń balalardy asyrap alý máselelerine erekshe kóńil bóldi.

Balalar úıine barǵanda jınalǵan materıaldar Elbasy janyndaǵy Adam quqyqtary jónindegi komıssııanyń arnaıy baıandamasyna engiziletin bolady.

Bul is-shara Prezıdent Ákimshiliginiń jáne Elbasy janyndaǵy Adam quqyqtary jónindegi komıssııanyń 2014 jylǵa arnalǵan jumys josparlaryna sáıkes jáne Balalardy qorǵaýdyń halyqaralyq kúnine oraı júrgizildi.