QR Prezıdenti VIII Astana ekonomıkalyq forýmynda sóz sóıleıdi

ASTANA. QazAqparat - Qazaqstan Prezıdenti Nursultan Nazarbaev búgin «Infraqurylym: ekonomıkanyń ornyqty ósiminiń draıveri» taqyrybyndaǵy VIII Astana ekonomıkalyq forýmyna qatysady.

Forýmǵa úsh myńnan astam delegat jáne 200 sheteldik spıkerler qatysýda. Olardyń arasynda - amerıkandyq Forbes jýrnalynyń bas redaktory Stıv Forbs, Garvard ýnıversıtetiniń professory Kennet Rogoff, Nobel syılyǵynyń laýreattary Fın Kınland pen Erık Maskın bar.

Forým aıasynda álemdik ekonomıkanyń bolashaǵy, munaı baǵasynyń tómendeýi jaǵdaıyndaǵy táýekelder men qajetti is-qımyldar jáne ornyqty ósim máseleleri talqylanady jáne elge jańa aýqymdy ınvestıtsııalar tartýǵa arnalǵan ınvestıtsııalyq forým basty basqosýlardyń biri bolmaq.

Astana ekonomıkalyq forýmdarynda jyl saıyn iri kelisim-sharttar men kelisimder jasalady. Bıyl da AEF 2015 alańynda usynystar ázirlenip, ınvestıtsııalar tartý jónindegi birqatar sharalar atqarylmaq.

Astana ekonomıkalyq forýmy (AEF) - shtab-páteri Qazaqstanda, Astanada ornalasqan dıalog úshin halyqaralyq jáne óńirlik tuǵyrnama. Ol jyl saıyn ótkizilip keledi. Jalpy alǵanda, AEF-ke júz elden on myńnan astam delegattar, sonyń ishinde kásiporyndardyń atqarýshy dırektorlary, saıasatkerler, jýrnalıster, ǵalymdar men Nobel syılyǵynyń laýreattary qatysýda. Astana ekonomıkalyq forýmy álemdegi iri halyqaralyq forýmdardyń biri.