QR Prezıdenti UPL Limited kompanııasynyń bas dırektory Djaı Shroffpen kezdesti

NUR-SULTAN. QazAqparat - Memleket basshysy UPL Limited kompanııasynyń bas dırektory Djaı Shroffpen kezdesti, dep habarlaıdy QazAqparat Aqordanyń resmı saıtyna silteme jasap.

Qasym-Jomart Toqaevqa UPL Limited kompanııasynyń qazirgi jumysy men damý perspektıvalary jóninde aqparat berildi.

Djaı Shroff Memleket basshysyna aýyl sharýashylyǵy salasynda zamanaýı tásilderdi qoldaný, osy saladaǵy ónimniń básekege qabilettiligin qamtamasyz etý, sondaı-aq egin egý jáne jer óńdeýde qoldanylatyn qazirgi tehnologııa jóninde aıtty.

Qazirgi tańda UPL Limited ónimderi álemniń 150-den astam elinde satylady. Agrobıznes – kompanııanyń negizgi tabys kózi. Kásiporyn dástúrli agrohımııalyq ónimder men basqa da aýyl sharýashylyǵyna qajetti taýarlar óndirip, satýmen aınalysady.