QR Prezıdenti: Ulttyq tabysty ádil bólý - strategııalyq mańyzdy másele
NUR-SULTAN. QazAqparat - Halyqty laıyqty jalaqymen qamtý kerek. Bul týraly elordadaǵy Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.
Memleket basshysy mańyzdy baǵyttardyń biri jańa jumys oryndaryn ashý men halyqty laıyqty jalaqymen qamtý ekenin atap ótti.
«Ulttyq tabysty ádil bólý máselesi bul - strategııalyq mańyzdy dúnıe. Memlekettik bıýdjettiń qarajatyn eń aldymen keleshegi zor maqsattarǵa jáne jańa jumys oryndaryn ashýǵa bólý qajet», - dedi Q. Toqaev.
