QR Prezıdenti Ulttyq ǵylymı medıtsına ortalyǵyna tapsyrmalar berdi

NUR-SULTAN. QazAqparat - Qazaqstan Prezıdenti Qasym-Jomart Toqaev «Ulttyq ǵylymı medıtsına ortalyǵy» AQ basqarma tóraǵasy Abaı Baıgenjındi qabyldady, dep habarlaıdy Aqorda.

Memleket basshysyna ǵylymı ortalyqtyń qazirgi jumysy men aldaǵy damý josparlary, memlekettik-jekemenshik áriptestigi aıasyndaǵy medıtsınalyq jobalardyń júzege asyrylýy jaıly baıandaldy. A. Baıgenjın Prezıdentke Tomoterapııa jáne ıadrolyq medıtsına ortalyǵynyń qaterli isikti emdeýdegi jańa ádisteri týraly aıtty.

Kezdesýde densaýlyq saqtaý salasynyń basqa da ózekti máseleleri talqylandy.

Sońynda Qasym-Jomart Toqaev naqty tapsyrmalar berip, ortalyq ujymyna tabys tiledi.