QR Prezıdenti ulttyq biregeıliktiń túsinigine naqty sıpattama berdi - sarapshy
ASTANA. QazAqparat - Prezıdenttiń baǵdarlamalyq maqalasynda jańǵyrýdyń negizi men irgetasy retinde ulttyq biregeılik túsinigi aıqyn kórsetilgen. Bundaı pikirdi QR Prezıdenti janyndaǵy Memlekettik basqarý akademııasy Etnosaralyq jáne konfessııaaralyq qatynastardy zertteý ortalyǵynyń jetekshisi Aıgúl Sádýaqasova aıtty, dep habarlaıdy QazAqparat.
«Dál osy túsinik kóbinese pikirtalastar úshin sebep bolyp júrdi. Memleket basshysy tarıh pen ulttyq dástúr mindetti túrde eskerilýi tıstigin atap ótken. Bul halyqtyń ótken, qazirgi jáne bolashaqtaǵy kókjıekterin ózara baılanystyratyn tuǵyrnama»,-dedi Sádýaqasova.
Onyń paıymynsha, Prezıdent halqymyzdyń taǵdyrynyń qıyndyǵyna tarıhı baǵa berip otyr. «Kóshpeli qoǵam mádenıetinen qazirgi zamanǵy ultqa qaraı tarıhı qysqa merzimde úsh óte mańyzdy transformatsııa arqyly ótken jolymyz bolashaq aldynda qaýipti syn-qater boldy. Osy qatań jaǵdaılarda ulttyq rýh, dástúrler men patrıotızmniń, pragmatızmniń jáne adamgershiliktiń kúshi halyqty biriktiretin negizdi saqtaı aldy»,-dedi sarapshy.
Osy oraıda ol eger de halqymyz dúnıejúzine óziniń kim ekenin aıqyn kórsetpese, qazirgi álem meıirimdilik tanypaıtynyn atap ótti.
«Bul turǵyda gýmanıatarlyq bilim eleýli ról atqarady. ıAǵnı osy rette synı kózqaraspen oılaý, kóp tildi meńgerý, ashyq ári syndarly bolý qadamdary qamtylady. Elbasy maqalasynda: «Biz tarıh, saıasattaný, áleýmettaný, fılosofııa, psıhologııa, mádenıettaný jáne fılologııa ǵylymdary boıynsha stýdentterge tolyqqandy bilim berýge qajetti barlyq jaǵdaıdy jasaýǵa tıispiz» dep qadap aıtty. Bul óz kezeginde ulttyń shyǵarmashylyq, zııatkerlik ári qundylyq turǵysynda damýyna jahandyq múmkindikter ashady»,-dedi Sádýaqasova.
Prezıdent osy maqsatty iske asyrýdyń tetikterin naqty aıqyndap bergen bolatyn.
«Gýmanıtarlyq zııaly qaýym ókilderi elimizdiń joǵary oqý oryndaryndaǵy gýmanıtarlyq kafedralardy qaıta qalpyna keltirý arqyly memlekettiń qoldaýyna ıe bolady. Bizge ınjenerler men dárigerler ǵana emes, qazirgi zamandy jáne bolashaqty tereń túsine alatyn bilimdi adamdar da aýadaı qajet»,-dep naqtylap ótti N. Nazarbaev «Bolashaqqa baǵdar: rýhanı jańǵyrý» atty maqalasynda»,-deıdi ol.
Sarapshynyń sózine qaraǵanda, Prezıdenttiń aıqyndap bergen baǵyttaryna oraı memleketti aldaǵy ýaqytta aýqymda jumystar kútip tur.
«Bul jańa ıdeıalar men ǵylymı jańalyqtardyń ǵasyry. Búginde bizdiń býyn qandaı negizdi qalasa, soǵan ultymyzdyń kody men rýhanı turpaty baılanysty bolady»,-dedi ol.
Esterińizge sala keteıik, ótken aptada buqaralyq aqparat quraldarynda QR Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasy jarııalanǵan bolatyn .
