QR Prezıdenti Úkimetke Almatyda qaldyqtardy paıdaǵa jaratý máselesin sheshýdi tapsyrdy
ASTANA. 12 mamyr. QazAqparat /Serik Sabekov/ - Búgin Almaty aktıvimen bolǵan keńes barysynda QR Prezıdenti Nursultan Nazarbaev Úkimet pen qalalyq ákimdikke qaldyqtardy paıdaǵa jaratý máselesin sheshýdi tapsyrdy.
Memleket basshysy atap ótkendeı, ońtústik astanadaǵy ózekti máselelerdiń biri qoqystardy qaıta óńdeý bolyp qalyp otyr. Álemdegi damyǵan elderdiń tájirıbesi bul máseleniń oıdaǵydaı sheshimin tabýǵa bolatynyn kórsetti.
«Mysaly, Shveıtsarııada árbir azamat qoqysty bólýge, shynylardy bir bólek, temirdi bir bólek, qaǵazdy bir bólek bólýge mindetti». - dep atap ótti N.Nazarbaev.
Elbasy aıtyp ótkendeı, sondyqtan da Shveıtsarııa men Sıngapýr sııaqty qalalar álemdegi ekologııalyq eń taza qalalardyń qataryna jatady. Al Almatydaǵy qoqys óńdeıtin jalǵyz keshen bir jyldan beri jumysyn toqtatyp tur.
