QR Prezıdenti: TMD elderiniń qaýipsizdik organdary ózara yntymaqtastyqta bolýy qajet
ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Ulttyq qaýipsizdik komıtetiniń 25 jyldyǵyna arnalǵan saltanatty shara bastalar aldynda TMD elderi ulttyq qaýipsizdik organdarynyń jetekshilerimen kezdesti, dep habarlaıdy Aqordanyń baspasóz qyzmeti.
Áńgime barysynda Qazaqstan Prezıdenti óńirdegi qaýipsizdikti qamtamasyz etý úshin arnaýly qurylymdardyń halyqaralyq deńgeıde yntymaqtasýy men ózara is-qımyl jasaýynyń mańyzdylyǵyn atap ótti.
- Aldymyzda ortaq mindetter tur. Ózara yntymaqtastyqta bolýymyz qajet. Qazir kúrdeli kezeńde ómir súrgendikten, problemany jeke-dara sheshý de qıyn. Elderińizdiń prezıdentterimen jaqsy qarym-qatynastamyn, sondyqtan biz barlyq máseleni birigip sheship kelemiz, - dedi Nursultan Nazarbaev.
Sońynda Memleket basshysy TMD elderi arnaýly organdarynyń jetekshilerine saltanatty sharaǵa qatysqany úshin alǵys aıtyp, sol elderdiń basshylaryna óziniń jyly lebizin jetkizýdi surady.
