QR Prezıdenti teleradıokesheniniń @ptrk.kz jeke telegram kanaly iske qosylady
NUR-SULTAN. QazAqparat – «QR Prezıdenti teleradıokesheni» UAQ @ptrk.kz jeke telegram kanaly iske qosylady, dep habarlaıdy QazAqparat.
Kontent osy kommýnıkatsııalyq platformanyń erekshelikterin eskere otyryp, Qazaqstan memlekettiliginiń qalyptasýy men damýynyń qujattamalyq shejiresin kórsetetin biregeı muraǵat foto jáne beıne materıaldardy qoldaný arqyly jasalady.
«QR Prezıdentiniń TRK qazirgi Qazaqstan dáýiriniń mýltımedııalyq jylnamashysy retinde óziniń Telegram-kanalyn ashady. Onda tek bizde ǵana bar eksklıýzıvti vıdeolarmen jáne sırek kezdesetin kadrlarmen bólisemiz», - dep atap ótti Teleradıokesheniniń bas dırektory Raýshan Qajybaeva.
Telegram kanalyndaǵy erekshe oryndy Memleket basshysy Qasym-Jomart Toqaevtyń ómirbaıany, qyzmet mansaby, qazirgi qyzmeti týraly eksklıýzıvti materıaldar ornalastyrylatyn aıdar alady.
