QR Prezıdenti: Tatý elde taqsiret bolmaıdy
«Eń bastysy el irgesi tynysh, tatýlyq pen turaqtylyq bar. Bul eń mańyzdy másele bolyp tabylady. Búginde jer júzinde BUU-nyń málimetteri boıynsha 1 mlrd-qa jýyq adam ashtyqtan azap shegýde, 3 mlrd adam taqyr kedeı, 16 mln adam quldyqta ómir súredi. 65 mln adam bosqyn. Shybyn jany úshin jat jerde bas saýǵalap júr, onyń jartysy jastar men sábıler», - dedi Prezıdent.
Memleket basshysy osyndaı almaǵaıyp zamanda elimizdiń beıbitshilikke bólenýi birlik pen berekege uıyp, tatýlyqtyń bolǵany ekendigin basa aıtty.
«Eń negizgi baılyq dep sanaý kerek. Myńdaǵan jańa jumys orny jyl saıyn ashylyp jatyr. Eńbek etemin degen janǵa barlyq múmkindik jasalyp jatyr. Biz táýbesinen jańylmaǵan elmiz. Bardy baǵalap, kózdiń qarshyǵyndaı saqtaı bilgen halyqpyz. Ary qaraı da osyny saqtaı bilýimiz kerek. Tatý elde taqsiret bolmaıdy», - dedi Elbasy.
Aıta keteıik, kezdesýge Májilis depýtaty Zaǵıpa Balıeva, ǵalym-mıkrobıolog Álııa Ernazarova, Ýnıversıada-2017 chempıony Anna Shevchenko, QHA múshesi, aýyl mektebiniń dırektory Irına Sedova, «Jas Atameken» jas kásipkerler klýbynyń prezıdenti Zarına Kókjanova, aqyn Tolqyn Qabylsha, ánshi Marııa Galıtskaıa, «Teńizshevroıl» JShS adam resýrstaryn basqarý bas menedjeri, aýdandyq aýrýhananyń bas dárigeri Qarlyǵash Rázıeva, Ulttyq ekonomıka vıtse-mınıstri Mádına Ábilqasymova, «Astana-Balet» teatrynyń jetekshi balerınasy Mılana Býkanova, kópbalaly ana Oksana Mýkasheva, qobyzdan halyqaralyq baıqaýlardyń laýreaty Aqerke Tájibaeva, Astana qalalyq kámeletke jasy tolmaǵandar isi jónindegi mamandandyrylǵan aýdanaralyq sottyń tóraǵasy Nazılııa Razzak, Abaı atyndaǵy memlekettik akademııalyq opera jáne balet teatrynyń solısi Oksana Davydenko, QR QK Parashıýt daıyndyǵy ortalyǵynyń aǵa mamany Rımma Ramazanova, aktrısa Saltanat Baqaeva, jýrnalıst Venera Mırlanqyzy qatysýda.