QR Prezıdenti Tashkenttegi Táýelsizdik jáne gýmanızm monýmentine gúl shoqtaryn qoıdy
TAShKENT. QazAqparat - Qazaqstan Prezıdenti Tashkenttegi Táýelsizdik jáne gýmanızm monýmentine gúl shoǵyn qoıdy, dep habarlaıdy «QazAqparat» HAA-nyń menshikti tilshisi.
Qazaqstan Respýblıkasynyń Prezıdenti Qasym-Jomart Toqaev Ózbekstanǵa jasaǵan Memlekettik sapary barysynda Ózbekstan halqynyń jalpyulttyq sımvoly sanalatyn Táýelsizdik jáne gýmanızm monýmentine gúl shoǵyn qoıdy.
Táýelsizdik alańy arhıtektýralyq kesheninde Ózbekstan kartasy túsirilgen qola globýs pen qolynda balasyn ustap otyrǵan ananyń músini bar. Kompozıtsııanyń avtory ózbektiń belgili músinshisi Ilham Jabbarov.
Eske sala keteıik, 14 sáýir, jeksenbi kúni Qazaqstan Respýblıkasynyń Prezıdenti Qasym-Jomart Toqaev memlekettik saparmen Ózbekstan Respýblıkasyna kelgen bolatyn.
