QR Prezıdenti sýdıalardy bılerdiń tájirıbesine júginýge shaqyrdy

ASTANA. QazAqpart - Búgin Astanada Qazaqstan Respýblıkasy sýdıalarynyń VII sezinde QR Prezıdenti Nursultan Nazarbaev sýdıalarǵa burynǵy bılerdiń tájirıbesin úırenýge shaqyrdy, dep habarlaıdy QazAqparat.

"Bárimiz bilemiz, bizdiń elde bıdiń qyzmetinde kelispegen adamdardy kelistirýde, tabystyrýda eleýli ról atqardy. Osy jaıynda oqyp, tanyp júrmiz. Tóle bı, qaz daýysty Qazybek, Áıteke bılerdiń, Buqar jyraýdyń aıtqandaryn oqyp otyrsańyzdar, bıler sózben eki jaqty jaqyndastyryp, sózge toqtaǵan qazaq, bir sózben kelisimge kelip, aıppulyn tólep, daýdy sheshken. Negizine keletin bolsaq, sodan beri sonshalyqty eshteńe ózgergen joq", - dep atap ótti Prezıdent.

Osy rette Elbasy eń basty qaǵıda ádildikte turǵanyn,  "týra bıde týǵan joq" ekenin qadap aıtty.

«Degenmen de eldi tártipke úıretý kerek. Memleket sottardy qoldaý kerek, sýdıalardy qorǵaýy qajet. Óz kezeginde sýdıalar  jumystaryn jaqsylap atqarýy tıis», - dedi Memleket basshysy.