QR Prezıdenti sot júıesine ózgerister men tolyqtyrýlar engizý týraly Jarlyqqa qol qoıdy

Qazaqstan Respýblıkasy Prezıdentiniń «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańynda kózdelgen erejelerdi bekitý týraly» 2001 jylǵy 26 maýsymdaǵy № 643 jáne «Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejeni bekitý týraly» 2010 jylǵy 3 qarashadaǵy №1093 jarlyqtaryna ózgerister men tolyqtyrýlar engizý týraly

Qaýly etemin:
Qazaqstan Respýblıkasy Prezıdentiniń mynadaı jarlyqtaryna ózgerister men tolyqtyrýlar engizilsin:
1) «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańynda kózdelgen erejelerdi bekitý týraly» Qazaqstan Respýblıkasy Prezıdentiniń 2001 jylǵy 26 maýsymdaǵy № 643 Jarlyǵyna:
joǵaryda atalǵan Jarlyqpen bekitilgen Sýdıalyqqa kandıdattyń taǵylymdamadan ótýi týraly ereje osy Jarlyqqa 1-qosymshaǵa sáıkes jańa redaktsııada jazylsyn;
joǵaryda atalǵan Jarlyqpen bekitilgen Sot jıýrıi týraly ereje osy Jarlyqqa 2-qosymshaǵa sáıkes jańa redaktsııada jazylsyn;
2) «Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejeni bekitý týraly» Qazaqstan Respýblıkasy Prezıdentiniń 2010 jylǵy 3 qarashadaǵy №1093 Jarlyǵyna (Qazaqstan Respýblıkasynyń PÚAJ-y, 2010 j., №60, 589-qujat):
joǵaryda atalǵan Jarlyqpen bekitilgen Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) týraly erejede:
15-tarmaqta:
mynadaı mazmundaǵy 9-1) tarmaqshamen tolyqtyrylsyn:
«9-1) sýdıalyqqa kandıdattardyń taǵylymdamadan ótýi úshin bos oryndardy bólý jónindegi usynystardy Qazaqstan Respýblıkasy Joǵarǵy Sotynyń Tóraǵasyna engizý;»;
mynadaı mazmundaǵy 24-1) tarmaqshamen tolyqtyrylsyn:
«24-1) sýdıalyqqa kandıdattardyń aqysy tólenetin taǵylymdamadan ótýin uıymdastyrýǵa monıtorıng júrgizý;».
Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti
N.NAZARBAEV.
Astana, Aqorda, 2016 jylǵy 22 aqpan. № 201

Jarlyqtyń tolyq mátini resmı BAQ-ta jarııalandy.