QR Prezıdenti SQO-nyń hokkeı jáne velo dástúrlerimen tanysty
PETROPAVL. QazAqparat - QR Prezıdenti Nursultan Nazarbaev Soltústik Qazaqstan oblysyna jumys sapary barysynda Petropavldaǵy Sport saraıyna bardy.
Memleket basshysy soltústikqazaqstandyq sportshylarmen kezdesti. Muz arenasynda «Qulager» hokkeı klýbynyń prezıdenti Bolat Karabalın Memleket basshysyna «Qulager» komandasynyń jeıdesin tartý etti.
Sport saraıynda Memleket basshysy men oblys jurtshylyǵy ókilderiniń kezdesýi ótti. Oblystyń hal-ahýalyn aıta kele, SQO ákimi Erik Sultanov óńir halqynyń úshten bir bóliginiń sportpen belsendi aınalysatynyn atap ótti. «Sporttyq ǵımarattar sany eselep kóbeıýde. Ótken jyly muz arenasy bar Sport saraıy salyndy. Biz Soltústik Qazaqstan oblysynyń hokkeı dástúrin jańǵyrttyq. Ótken jyly qurylǵan «Qulager» klýby bıyl qola júldege ıe boldy. Biz soltústikqazaqstandyq velomektep túlekteri negizin quraǵan «Vino4ever» (vıno forever) kásibı velosıped klýbynyń jetistikterin maqtan tutamyz», - dedi óńir ákimi Erik Sultanov.
Muz arenasy jáne jeńilatletıkalyq maneji bar Sport saraıy ótken jyly tamyz aıynda ashyldy. Ǵımarat aýmaǵy 15 myń sharshy metrdi quraıdy. Muz arenasy men manejden bólek munda tike júgirý joly, velosıpedshiler oryny, trenajerlik jáne fıtnes zaldar bar. Muz arenasynyń trıbýnasyna myń adam syıady.
Saraıda sporttyń 12 túrimen aınalysýǵa bolady: hokkeı, jeńil atletıka, velosport, boks, erkin jáne grek-rım kúresi, mánerlep syrǵanaý, konkımen júgirý sporty, short-trek, dzıýdo, kórkem gımnastıka jáne gir sporty.
