QR Prezıdenti ShYU elderine ózara esep aıyrysýda ulttyq valıýtalar úlesin arttyrýdy usyndy
«Protektsıonızmniń kúsheıýi men taýarlyq jetkizýler tizbeginiń úzilýi bizdiń uıymnyń ekonomıkalyq áleýetin ashý maqsatyn shuǵyl shara etip otyr. 2025 jylǵa deıingi ShYU-ny damytý strategııasyn júzege asyrý boıynsha is-qımyl josparyn bekitý ózara saýdanyń qalpyna kelýi men ulǵaıýyna yqpal etedi dep úmittenemiz», - dedi Prezıdent vıdeokonferentsııa rejıminde ótip jatqan Shanhaı Yntymaqtastyq Uıymyna múshe memleketter basshylaryn keńesiniń otyrysynda.
Qosym-Jomart Toqaev atalǵan máseleni sheshý turǵysynda jobalyq qyzmetti qarjylandyrý tetikterin qurý boıynsha kelissózderdi jyldamdatý qajet ekenin jetkizdi.
«Ózara esep aıyrysýda ulttyq valıýtalardyń rólin birtindep arttyrý, sondaı-aq, Eýrazııalyq qarjy konsýltatsııalyq mehanızmin qalyptastyrý jónindegi Jol kartasy sııaqty sharalardyń qabyldanýy bul jumysqa tyń serpin berer edi», - dedi Memleket basshysy.
