QR Prezıdenti shyrshasyna kelgen ár balaǵa Elbasy atynan syılyq beriledi
ASTANA. QazAqparat - Búgin Astanadaǵy Oqýshylar saraıynda «Máńgilik Eldiń qasıetti qundylyqtary» atty Qazaqstan Respýblıkasy Prezıdentiniń shyrshasy ótedi. Saltanatty sharaǵa balalar úıleriniń tárbıelenýshileri, turmysy tómen jáne kóp balaly otbasylardan shyqqan balalar men múgedek balalar qatysady, dep habarlady astana.kz.
Jańa jyldyq baǵdarlama barysynda ertegi keıipkerlerimen teatrlandyrylǵan qoıylym kórsetilip, baıqaýlar men vıktorınalar ótkiziledi. Sharaǵa qatysýshylar Oqýshylar saraıyn aralaıdy (planetarıı, ınteraktıvti parkti jáne t.b. tamashalaıdy), túrli oıyn-saýyq sharalaryna qatysyp, merekelik dastarhannan dám tatady.
Shyrshaǵa kelgen árbir balaǵa QR Prezıdentiniń atynan syılyqtar beriledi. Astana qalasy Bilim basqarmasynyń habarlaýynsha, jańa jyldyq shyrshaǵa 9-13 jastaǵy 200 bala shaqyryldy. Sonyń ishinde, 117 jetim, qalǵan balalar kóp balaly jáne turmysy tómen otbasylardan shyqqan.
