QR Prezıdenti «Shevron» kompanııasy basshylarymen munaı-gaz salasynda birlesken jobalardy júzege asyrý máselelerin talqylady

ASTANA. QazAqparat - Memleket basshysy Nursultan Nazarbaev «Shevron» kompanııasy Dırektorlar keńesiniń tóraǵasy Djon Ýotsonmen kezdesti.

Bul týraly Aqordanyń baspasóz qyzmetinen habarlady.

Kezdesý barysynda Qazaqstannyń «Shevron» kompanııasymen otyn-energetıka jáne ınvestıtsııa salalaryndaǵy yntymaqtastyq máseleleri talqylandy.

D.Ýotson Elbasyna kompanııanyń qazirgi qyzmeti men bizdiń elimizdegi munaı-gaz jobalaryn júzege asyrý barysy týraly baıandady.

Sondaı-aq, Elbasynyń «Shevron» kompanııasy Dırektorlar keńesiniń múshelerimen ótkizgen kezdesýinde Qazaqstannyń «Shevronmen» yntymaqtastyq máseleleri talqylandy.

«Atap aıtqanda, munaı-gaz salasynda birlesken jobalardy júzege asyrý, sondaı-aq kompanııanyń memlekettik ındýstrııalyq-ınnovatsııalyq damý baǵdarlamasyn iske asyrýǵa qatysýy týraly sóz qozǵaldy»,-delingen habarlamada.