QR Prezıdenti «Shell» kontserniniń bas atqarýshy dırektorymen kezdesti
LONDON-ASTANA. QazAqparat - Elbasy Nursultan Nazarbaev «Shell» kontserniniń bas atqarýshy dırektory Ben van Berdenmen kezdesti, dep habarlaıdy Aqordanyń baspasóz qyzmetinen.
Kezdesý barysynda energetıka jáne munaı hımııasy salalaryndaǵy yntymaqtastyqty budan ári damytýdyń perspektıvalary talqylandy. Memleket basshysy kompanııa bizdiń elimizge kelgeli beri birqatar iri jobalardy júzege asyrǵanyn, sonyń arqasynda Qazaqstan ekonomıkasyndaǵy jetekshi ınvestorlardyń biri bolyp otyrǵanyn atap ótti. B. van Berden óz sózinde bizdiń respýblıkamen yntymaqtastyq kontsern jumysynyń basymdyǵy bar baǵyttarynyń biri ekenin aıtty. Ol sondaı-aq Nursultan Nazarbaevty Qazaq handyǵynyń 550 jyldyǵymen quttyqtady.
