QR Prezıdenti Shavkat Mırzıeevpen telefon arqyly sóılesti
NUR-SULTAN. QazAqparat – QR Prezıdenti Qasym-Jomart Toqaev Ózbekstan Respýblıkasynyń Prezıdenti Shavkat Mırzıeevpen telefon arqyly sóılesti, dep habarlaıdy QazAqparat Aqordaǵa silteme jasap.
Áńgimelesý barysynda memleketter basshylary ekijaqty qarym-qatynastardyń qarqyndy damyp kele jatqanyn atap ótip, yntymaqtastyqty odan ári nyǵaıtýdyń perspektıvalaryn talqylady.
Sonymen qatar Qazaqstan Prezıdentiniń bıylǵy 14-15 sáýirde Ózbekstanǵa jasaǵan memlekettik saparynyń nátıjesinde qol jetkizilgen ýaǵdalastyqtardyń júzege asyrylý barysy qarastyryldy.
Ózbekstandaǵy Qazaqstan jylynyń tabysty ótýine erekshe mán berildi. Onyń aıasynda mádenıet, óner jáne bilim salalary boıynsha yqpaldastyqty jandandyrý jóninde kóptegen shara uıymdastyryldy.
Qasym-Jomart Toqaev Shavkat Mırzıeevti kele jatqan jańa jylmen quttyqtap, oǵan memlekettik qyzmette tabys, baýyrlas ózbek halqyna baq-bereke tiledi.
