QR Prezıdenti: Segizbaev fýtboldyń damýyna eleýli úles qosty

ASTANA. QazAqparat - Memleket basshysyelimizdiń dańqty sportshysy Tımýr Segizbaevtyń qaıtys bolýyna baılanysty týǵan-týysqandary men jaqyndaryna kóńil aıtý jedelhatyn joldady, dep habarlaıdy Aqordanyń baspasóz qyzmeti.

Nursultan Nazarbaev tanymal fýtbolshy ári sport qaıratkeri Tımýr Segizbaevtyń otbasyna qaıǵylaryna ortaqtasyp, kóńil aıtty.

Jedelhatta Qazaqstan fýtbolyn damytýǵa jáne balalar men jastar arasynda sporttyq ómir saltyn nasıhattaý isine T.Segizbaevtyń sińirgen eńbegi aıryqsha atap ótilgen.

«Ol jattyqtyrýshy ári Qazaqstan fýtbol qaýymdastyǵy basshylarynyń biri retinde elimizde sporttyń osy túriniń damýyna eleýli úles qosty», - delingen jedelhatta.

Memleket basshysy T.Segizbaevtyń esimi halyq jadynda árdaıym saqtalatynyna senim bildirdi.