QR Prezıdenti saılaýynyń nátıjesi 3 mamyrdan keshiktirilmeı belgili bolady - Q.Turǵanqulov
ASTANA. QazAqparat - QR Prezıdenti saılaýynyń nátıjesi 3 mamyrdan keshiktirilmeı belgili bolady. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulov málim etti.
«Saılaý týraly zańǵa sáıkes 26 sáýirde ótken Qazaqstan Respýblıkasynyń Prezıdentin saılaýdyń sońǵy nátıjesimen Ortalyq saılaý komıssııasy saılaýdan keıin jeti kún merzimnen, ıaǵnı 2015 jylǵy 3 mamyrdan keshiktirmeı belgileýi tıis», - dedi Q.Turǵanqulov.
Aıta keteıik, kezekten tys prezıdenttik saılaýǵa daýys berýge quqy bar Qazaqstan azamattarynyń 95,22 paıyzy qatysty. Aldyn ala derekterge sáıkes Elbasy Nursultan Ábishuly Nazarbaev saılaýshylardyń 97,7, Turǵyn Ysqaquly Syzdyqov - 1,6 jáne Ábilǵazy Álıaqparuly Qusaıynov - 0,7 paıyz daýysyn jınady.
