QR Prezıdenti saılaýynda saǵat 18:00-degi jaǵdaı boıynsha saılaýshylardyń 89,69 paıyzy daýys berdi - OSK

ASTANA. QazAqparat - Respýblıkada saǵat 18:00-degi jaǵdaı boıynsha saılaýshylardyń 89,69 paıyzy daýys berdi. Bul týraly búgin QR Ortalyq saılaý komıssııasynda ótken brıfıngte QR OSK múshesi Marat Sársembaev aıtty.

«Ortalyq saılaý komıssııasynyń Qazaqstan Respýblıkasy Prezıdentin saılaýda saǵat 18.00-degi saılaýshylardyń daýys berýge kelýi týraly málimetti bermekpiz. Oblystardyń, Astana jáne Almaty qalalarynyń saılaý komıssııalarynyń usynǵan málimetterine sáıkes, 26 sáýirdegi saǵat 18:00-degi jaǵdaı boıynsha tizimge engizilgen saılaýshylardyń 89,69 paıyzy saılaý bıýlletenin aldy», - dedi komıssııa múshesi.

M.Sársembaevtyń atap ótýinshe, olardyń ishinde, Aqmola oblysy boıynsha - 94,81, Aqtóbe oblysy boıynsha - 85,05, Almaty oblysy boıynsha - 91,17 , Atyraý oblysy boıynsha -92,96, Shyǵys Qazaqstan oblysy boıynsha - 93,55, Jambyl oblysy boıynsha - 92,97, Batys Qazaqstan oblysy boıynsha - 90,16, Qaraǵandy oblysy boıynsha - 91,12, Qyzylorda oblysy boıynsha - 93,68, Qostanaı oblysy boıynsha - 91,27, Mańǵystaý oblysy boıynsha - 88,45, Pavlodar oblysy boıynsha - 90,23, Soltústik Qazaqstan oblysy boıynsha - 93,86, Ońtústik Qazaqstan oblysy boıynsha - 93,55, Astana qalasy boıynsha - 88,29, al Almaty qalasy boıynsha - 73,17 paıyzdy quraıdy.

Aıta keteıik, daýys berý respýblıka boıynsha 9741 saılaý ýchaskesinde júrip jatyr.