QR Prezıdenti saılaýyna oraı OSK-de baspasóz ortalyǵy ashyldy
Ortalyq saılaý komıssııasynyń baspasóz hatshysy Venera Jeksembekova óz sózinde bul ortalyqtyń 2015 jyldyń 26 sáýirinde ótetin kezekten tys prezıdenttik saılaýǵa daıyndyq barysynda da, saılaý kezinde de jumys isteıtindigin atap kórsetti.
«Bul baspasóz ortalyǵy Ortalyq saılaý komıssııasynyń buqaralyq aqparat quraldarymen baılanysyn arttyryp, saılaý úderisiniń ashyqtyǵyn qamtamasyz etedi. Sondaı-aq ol saılaý zańnamalaryna qatysty máselelerdi túsindirip, nasıhattaýǵa da septigin tıgizedi degen úmittemiz» - dedi ol.
Sonymen qatar onyń aıtýynsha, ortalyq zamanaýı tehnıkamen, kompıýtermen jabdyqtalyp, ǵalamtorǵa qosylǵan. «Munyń barlyǵy buqaralyq aqparat quraldarynyń barynsha yńǵaıly jaǵdaıda jumys jasaý úshin istelýde. Biz BAQ ókilderin saılaý barysynda birlese jumys isteýge shaqyramyz», - dedi V.Jeksembekova.
