16:38, 27 Aqpan 2015 | GMT +6
QR Prezıdenti saılaýyna halyqaralyq baıqaýshylardy tirkeý 20 sáýirde aıaqtalady
ASTANA. QazAqparat - QR Prezıdenti saılaýyna halyqaralyq baıqaýshylardy tirkeý 20 sáýirde aıaqtalady. Búgin QR Ortalyq saılaý komıssııasynyń otyrysy barysynda sáıkesinshe qaýly qabyldandy.
«Qazaqstan Respýblıkasynyń 1995 jylǵy 28 qyrkúıektegi «QR-daǵy saılaý týraly» Konstıtýtsııalyq zańyna sáıkes Ortalyq saılaý komıssııasy 2015 jyldyń 26 sáýirine belgilengen QR Prezıdentin kezekten tys saılaýyna keletin sheteldik memleketterdiń, halyqaralyq uıymdardyń baıqaýshylary, sonymen qatar sheteldik buqaralyq aqparat quraly ókili jeke basyn kýálandyratyn qujaty bar bir aýdarmashyny ilestirýine múmkindik beretin qaýly shyǵardy», - dedi qaýly mátinimen tanystyrǵan QR OSK múshesi Tatıana Ohlopkova.
Sondaı-aq, onyń aıtýynsha, sheteldik buqaralyq aqparat quraldarynyń ókilderi, QR Syrtqy ister mınıstrligi bergen akkredıtteý týraly kýáligi bolǵan jaǵdaıda saılaýdy baıqaýdy júzege asyrýǵa quqyly.
