QR Prezıdenti saılaýyn 6 tájikstandyq baıqaýshy baqylaıdy

ASTANA. QazAqparat - QR Ortalyq saılaý komıssııasy aýqymdy jumystar atqardy. Bul pikirdi búgin QR OSK-de ótken brıfıngte Tájikstan Ortalyq saılaý komıssııasy tóraǵasynyń kómekshisi Parvına Rasýlova bildirdi.

«Jalpy, Tájikstan Respýblıkasynan halyqaralyq baıqaýshy retinde 6 adam kelip otyr jáne bárimiz de túrli mıssııada qyzmet etemiz. Biz Tájikstan Respýblıkasynyń Saılaý jáne referendýmdar jónindegi Ortalyq komıssııasynyń ókilimiz».

Sonymen qatar ol búgin QR OSK tóraǵasynyń orynbasary Vladımır Foospen kezdeskenderin ári kezekten tys prezıdenttik saılaýǵa daıyndyq jáne ótkizý máselelerine qatysty aqparat alǵandaryn atap ótti.

«Biz Qazaqstanǵa kelgenimizge qýanyshtymyz, osy sátti paıdalana otyryp, qazaq halqyna rızashylyǵymyzdy bildiremiz. QR Ortalyq saılaý komıssııasy aýqymdy jumystar atqardy jáne biz saılaý ýchaskelerin aralap shyǵýǵa daıynbyz», - dedi P.Rasýlova.